ఇంట్లోనే మానిక్యూర్.. చేయండి గోళ్ళని క్యూర్

పెరల్స్ బ్యూటీ పార్లర్ టిప్స్ : ఇంతకు ముందు నేను చెప్పినట్టు అందం ఆనందాన్ని ఇస్తుంది.. అయితే అందమంటే ఏమిటి.. ముఖం కళగా కనిపిస్తే సరిపోతుందా? నిజానికి ఎదుటివారికోసం అందంగా కనిపించాలంటే ముఖం మాత్రం కళగా ఉంటే సరిపోతుంది.. కానీ మనకు మనమే అందంగా కనిపించాలంటే మాత్రం మన శరీరం అణువణువూ మనకు నచ్చాలి.. బెండకాయలను లేడీస్ ఫింగర్స్ అంటారు ఎందుకు? ఆడవారి వేళ్ళు కూడా అంతే మృదువుగా ఉంటాయనే కదా, మరి ఆ వేళ్ళని, గోళ్లని ఎంతలా కాపాడుకోవాలి!!.   
గోర్లు చేతికి ఎంతో అందాన్నిస్తాయి. అలాంటి గోర్లని మరింత అందంగా చేసే ప్రక్రియని ఆంగ్లంలో మానిక్యూర్ అంటారు. అలాగని పర్సు ఖాళీ చేసుకొని గోర్లని సంరక్షించుకోవలసిన అవసరం లేదు. మన ఇంటిలోనే చిన్న చిన్న చిట్కాలతో ఎలా మ్యానిక్యూర్ చేసుకోవాలో తెలుసుకోండి.. అంతే!!
పార్లర్ కి వెళ్ళలేకపోతున్నాం, గోళ్ళు అస్సలు బావుండడం లేదు అనుకుంటున్నారా? ఇంట్లోనే మానిక్యూర్ ఎలా చేసుకోవాలో నేర్చేసుకోండి. మొత్తం ప్రాసెస్ మనమే చేసుకుంటే వచ్చే శాటిస్ఫాక్షన్ వేరు. మనసుకి కలిగే ఆనందం వేరు. పైగా, ఇలా ఓపిగ్గా చేసుకునే ఏ పనైనా ఒత్తిడిని తగ్గిస్తుందని కూడా అంటారు. అయితే, ప్రొఫెషనల్స్ చేసినంత బాగా రాదేమో అని మీకు సందేహం ఉండడంలో తప్పులేదు. మొదటిసారి రాకపోవచ్చు కూడా. కానీ, ఇక్కడ చెప్పిన స్టెప్స్ ఫాలో అయిపోతూ ఉంటే కొంచెం ప్రాక్టీస్ తో అద్భుతమైన ఫలితాలు దక్కుతాయి. అతిశయోక్తి కాదండీ, తిరుపతి వెళ్లి గుండు కొట్టించుకుంటాము, ఎందుకంత కాన్ఫిడెన్స్ అంటే మళ్ళీ వచ్చేస్తాయని నమ్మకం కాబట్టి, అలాగే నేను ఇంత కాన్ఫిడెన్స్ గా ఎందుకు చెప్తున్నానంటే, ఒకసారి సరిగా చేయలేకపోయినా నాలుగు రోజుల్లో మళ్ళీ వచ్చేస్తాయి. నలభై రోజుల్లో మీరు ప్రొఫిషనల్ అవడం ఖాయం నాది గ్యారంటీ.  మీరే చదివి చూడండి.

1. నెయిల్స్ క్లీన్..

నెయిల్ పాలిష్ రిమూవర్ కేవలం ఇంతకు ముందు వేసిన కలర్‌ని తీసేయటమే కాకుండా క్యూటికల్స్ ని మాయిశ్చరైజ్ చేసి నెయిల్స్ ని బలంగా చేస్తుంది. మీ నెయిల్స్ మీద పాలిష్ లేకపోయినా సరే, ఈ స్టెప్ మీరు ఫాలో అవ్వాల్సిందే. ఎందుకంటే, నెయిల్ పాలిష్ రిమూవర్ నెయిల్స్ మీద ఉన్న జిడ్డుని కూడా తీసేస్తుంది. అయితే, ఈ స్టెప్ తరువాత సోప్ తో హాండ్స్ వాష్ చేసుకోవడం మాత్రం మర్చిపోకండి.




2. నెయిల్స్ ని క్లిప్పింగ్, ఫైలింగ్, బఫ్ఫింగ్..

మీకు కావాల్సిన లెంత్ కి నెయిల్స్ ని క్లిప్ చేయండి. ఆ తరువాత మృదువుగా బ్లఫ్ ఫైల్ చేయండి. ఒక వైపు నుండి ఇంకొక వైపుకి స్లో గా ఫైల్ చేయండి. తరువాత ఒక మంచి నెయిల్ బఫ్ఫర్ తో బఫ్ చేయండి. బఫ్ చేయకపోతే నెయిల్స్ లో ఉండే నాచురల్ ఆయిల్స్ బిల్డప్ అయి మీ మానిక్యూర్ ని రూయిన్ చేస్తాయి. సింపుల్ గా చెప్పాలంటే బఫ్ఫింగ్ చేయడం వల్ల నెయిల్స్ బ్రైట్ గా యూత్ ఫుల్ గా కనిపిస్తాయి.

3. క్యూటికల్స్ ని వెనక్కి పుష్ చేయండి..

క్యూటికల్ ఆయిల్స్, క్యూటికల్ రిమూవర్ ఒకటి కాదు. క్యూటికల్ ఆయిల్ నెయిల్స్ ని మాయిశ్చరైజ్ చేస్తే, క్యూటికల్ రిమూవర్ ఎక్స్ఫోలియేట్ చేస్తుంది. ఇప్పుడు క్యూటికల్ స్టిక్ తో క్యూటికల్స్ ని వెనక్కి పుష్ చేయండి. క్యూటికల్స్ నెయిల్స్ ని బాక్టీరియా నుండి కాపాడుతాయి. నెయిల్స్ సాఫ్ట్ గా ఉండేలా చేస్తాయి. కాబట్టి వాటిని కట్ చేయకండి.

4. హాండ్ ఎక్స్‌ఫోలియేట్..

ఇప్పుడు మీ చేతినీ, ముంజేతినీ, మంచి స్క్రబ్ తో ఎక్స్ఫోలియేట్ చేయండి. దీని వల్ల డెడ్ స్కిన్ సెల్స్ పోయి స్కిన్ బాగా మాయిశ్చరైజ్ అవుతుంది. స్క్రబ్బింగ్ తరువాత హాండ్స్ ని సోప్ తో బాగా వాష్ చేసుకోండి. మెత్తటి బట్టతో పొడిగా తుడవండి.

5. మాయిశ్చరైజ్..

ఇప్పుడు హాండ్స్ నీ, క్యూటికల్స్ నీ బాగా మాయిశ్చరైజ్ చేయండి. ఇంకో రెండు నిమిషాలు తీసుకుని హాయిగా హాండ్ మసాజ్ కూడా చేసుకోండి. ఇప్పుడు ఒక్క సారి నెయిల్ పాలిష్ రిమూవర్ తో నెయిల్స్ మీద అలా రాశారంటే నెయిల్స్ మీద ఉన్న మాయిశ్చరైజర్ వచ్చేస్తుంది.

6. బేస్ కోట్ అప్లై..

నెయిల్స్ ని హైడ్రేట్ చేసి, ప్రొటెక్ట్ చేసి, నెయిల్ చిప్ అవ్వకుండా చూసేందుకు ఒక బేస్ కోట్ వేయండి. ఇప్పుడు పూర్తిగా రెండు నిమిషాలు ఏమీ చేయకండి.

7. ఫస్ట్ కోట్ అప్లై..

అసలైన్ ఫన్ ఇప్పుడు స్టార్ట్ అవుతుంది. మీ ఫేవరెట్ కలర్ ని ఇప్పుడు అప్లై చేయండి. క్యూటికల్స్ దగ్గర నుండి కార్నర్స్ వరకూ బ్రష్ రీచ్ అయ్యేటట్లు చూడండి. మీ ఫస్ట్ కోట్ ఎంత నీట్ గా వస్తే సెకండ్ కోట్ అంత ఈజీ. అయితే ఈ ఫస్ట్ కోట్ పల్చగా, అంటే థిన్ గా ఉండాలి. ఒక టిప్ ఏమిటంటే కావాల్సినంత కలర్ మాత్రమే తీసుకుని ఒక్క కోట్ లో నెయిల్ అంతా కవర్ చేయాలి. ఒక సారి మధ్యలో, ఒక సారి అటూ, ఒక సారి ఇటూ... అంతే. ఇంక అక్కడితో ఫస్ట్ కోట్ అయిపోయింది. ఇప్పుడు మళ్ళీ రెండు నిమిషాలు ఏమీ చేయకండి.

8. సెకండ్ కోట్ అప్లై..

రెండు నిమిషాల తరువాత సెకండ్ కోట్ అప్లై చేయండి. పేస్టల్ షేడ్స్ కి మూడో కోట్ కూడా అవసరం రావచ్చు. సెకండ్ కోట్ కూడా నైస్ గా థిన్ గా ఉండేట్లు చూడండి.

9. ఇప్పుడు టాప్ కోట్..

ఈ స్టెప్ ఎప్పుడూ మర్చిపోకూడదు. ఈ పని చేయకపోతే మీరింత వరకూ పడ్డ కష్టం అంతా వృధా అయిపోతుంది. టాప్ కోట్ చాలా జాగ్రత్తగా వేయాలి. ఎందుకంటే టాప్ కోట్ ఆరాక దగ్గరకి వస్తుంది. అప్పుడు చిన్న లైన్స్ కనబడతాయి సరిగ్గా వేయకపోతే. మీకు మీ నెయిల్స్ కి మిర్రర్ లాంటి ఫినిష్ కావాలంటే టాప్ కోట్ తరువాత షైన్ ఎణాన్సర్ కూడా యూజ్ చేయవచ్చు.

10. మిస్టేక్స్ కరక్ట్ చేసి నెయిల్స్..

క్యుటికల్ స్టిక్ చివరకి కొంచెం దూది కట్టి దాన్ని నెయిల్ పాలిష్ రిమూవర్‌లో ముంచి రఫ్ ఎడ్జెస్‌ని సాఫెన్ చేయండి. అంతా పర్ఫెక్ట్ గా ఉంది అన్న నమ్మకం కుదిరాక పూర్తిగా ఐదు నిమిషాలు నెయిల్స్ ని ఆరనివ్వండి.
ఇంత పని మేం చేయలేం, ఇంట్లో ఇంకా సింపుల్ గా చేయగలిగేది కావాలి అంటారా, అది కూడా ఇక్కడే ఉంది. దీన్ని హాట్ ఆయిల్ మానిక్యూర్ అంటారు. నెయిల్స్, క్యూటికల్స్ డామేజ్ అవ్వకుండా ఇది కాపాడుతుంది. దీని కోసం మీకు ఎక్కువ ఇన్‌గ్రీడియెంట్స్ కూడా అక్కర్లేదు. కొంచెం సన్ ఫ్లవర్ ఆయిల్ లో కొంచెం కాస్టర్ ఆయిల్ మిక్స్ చేసి అందులో ఆల్మండ్ ఆయిల్ కానీ, ఆలివ్ ఆయిల్ కానీ, టీ ట్రీ ఆయిల్ కానీ కొద్దిగా కలపండి. ఈ మిశ్రమాన్ని ఒక బౌల్ లో వేసి ముప్ఫై సెకన్లు మైక్రోవేవ్ చేయండి. ఆయిల్ గోరు వెచ్చగా అయ్యాక అందులో మీ నెయిల్స్ ముంచండి. ఒక వేళ ఆయిల్ మరీ చల్లగా అయిపోయిందనుకోండి, మళ్ళీ వేడి చేసి కొంచెం చల్లారాక మళ్ళీ మీ నెయిల్స్ డిప్ చేయవచ్చు.
తరువాత చేతులు బయటకి తీసి ఆ ఆయిల్ ని చెయ్యంతా మసాజ్ చేస్తున్నట్లుగా అప్లై చేయండి. ఆ తరువాత చల్లని నీటితో కడిగేసి మెత్తటి బట్టతో తుడిచేయండి. ఇప్పుడు హాండ్ లోషన్ అప్లై చేసుకోండి. బెస్ట్ రిజల్ట్స్ కోసం వారానికి రెండు సార్లు చేసేయండి.
* ఇలా రెగ్యులర్ గా చేయడం వల్ల స్కిన్ ముడతలు పడకుండా ఉంటుంది.
* ఆయిల్ మసాజ్ వల్ల రక్త ప్రసరణ మెరుగు పడి నెయిల్స్, క్యూటికల్స్ స్ట్రాంగ్ గా ఉంటాయి.
* ఈ ప్రాసెస్ డెడ్ స్కిన్ సెల్స్ ని రిమూవ్ చేస్తుంది.
* నెయిల్స్ క్లీన్ గా కనిపించడమే కాదు, ఫాస్ట్ గా హెల్దీగా పెరుగుతాయి కూడా.





కామెంట్‌ను పోస్ట్ చేయండి

0 కామెంట్‌లు
* Please Don't Spam Here. All the Comments are Reviewed by Admin.