బీట్‌రూట్‌తో తెల్లజుట్టు పూర్తిగా నల్లగా మారిపోతుందా? అది సాధ్యమేనా?
నిజానికి ప్రపంచంలో తెల్ల జుట్టుని పూర్తిగా నల్లగా మార్చగలిగే విధానం లేనే లేదు.. కానీ మనం ఉపయోగించే హెయిర్ డై కేవలం స్వాంతన కోసం మాత్రమే.. కానీ బీట్‌రూట్‌తో తెల్లజుట్టు కొంతవరకూ తగ్గుతుంది మరియు పొడుగ్గా పెరుగుతుంది.. నిజానికి పొడవైన జుట్టు అంటే అందరికీ ఇష్టమే.. చివరికి మగవారు కూడా పొడవైన వెంట్రుకలు గల హెయిర్ స్టైల్ ట్రై చేయడానికి ఇష్టపడుతున్నారు.. ఇక ఆడవారి గురించి చెప్పడం అవసరం అంటారా? అందుకోసం ఇంట్లోనే చేసే ఈ బీట్‌రూట్ ట్రీటిమెంట్ పొడవాటి జుట్టు ఒత్తుగా పెరగడానికి హెల్ప్ చేస్తుంది.
నిజానికి జుట్టు పెరగడానికి ఎన్నో ప్రయోగాలు చేస్తుంటారు కొందరు. అయితే, అలా మార్కెట్లో దొరికే చాలా విలువైన ప్రొడక్ట్స్ ఎక్కడో మార్స్ గ్రహం నుండి రాలేదు. మన చుట్టూ ఉన్న ఎన్నో రకాల మొక్కలు, ఖనిజాల నుండి తయారు చేసినవే.. బయట దొరికేవి మాత్రమే కాకుండా కిచెన్‌లోనే దొరికే కొన్ని పదార్ధాలతో కూడా మనం అందాన్ని కాపాడుకోవచ్చు.
ఈ రోజుల్లో జుట్టు రాలడం, జుట్టు చిట్లడం, పొడి జుట్టు, చుండ్రు వంటి అనేక రకాల జుట్టు సమస్యలు ఉన్నాయి. మంచి ఆహారం తీసుకుంటే జుట్టుని కాపాడుకోవచ్చు. చాలా మంది ఎదుర్కొనే సమస్యల్లో జుట్టు తెల్లబడడం. ఇందుకోసం ఇంట్లోనే తయారుచేసే హెయిర్ మాస్క్ జుట్టు అందాన్ని కాపాడుకోవచ్చు.
బ్యూటీ కేర్‌లో బీట్‌రూట్ ముందుంటుంది. బీట్‌రూట్ హెయిర్‌ఫోలికల్స్‌కి పోషణని అందిస్తుంది. ఆరోగ్యకరమైన జుట్టు పెరుగదలకి బీట్‌రూట్ హెల్ప్ చేస్తుంది. బీట్రూట్లో జుట్టు కుదుళ్ళకి అవసరమైన విటమిన్స్, ఖనిజాలు, యాంటీ ఆక్సిడెంట్స్ పుష్కలంగా ఉంటాయి. బీట్‌రూట్ జుట్టు రాలడాన్ని తగ్గించొచ్చు. చుండ్రుని తగ్గించడంలో కూడా కూడా హెల్ప్ చేస్తుంది. బీట్‌రూట్‌ని వాడడం వల్ల తెల్ల జుట్టు తగ్గుతుంది. బీట్రూట్లో విటమిన్ సి, ఇ, కెరోటిన్స్ ఉండే యాంటీ ఆక్సిడెంట్ గుణాలు ఉన్నాయి. ఇవి జుట్టుని నల్లగా మార్చడానికి అవసరం.
మెంతులు..
జుట్టు రాలడాన్ని తగ్గించడంలో మెంతులు ముందుంటాయి. ఇందులోని అమినో యాసిడ్స్ జుట్టుు పెరుగుదలకి హెల్ప్ చేస్తాయి. జుట్టుని పాడు చేసే కెమికల్స్ ఈ మెంతులు దూరం చేస్తాయి. ఎలాంటి సైడ్ ఎఫెక్ట్స్ లేకుండా సహజమైన రీతిలో జుట్టు పెరుగుదలకి మెంతులు హెల్ప్ చేస్తాయి. ఇందులో జుట్టుని బలంగా చేయడానికి సహాయపడే లెసిథిన్ ఉంటుంది. మెంతులు జుట్టుని మాయిశ్చరైజ్‌గా ఉంచుతుంది.
అలోవెరా..
జుట్టు రాలడాన్ని తగ్గించడానికి అలోవెరా బాగా పనిచేస్తుంది. అలోవెరాలో పోషకాలు ఎక్కువగా ఉంటాయి. తలలో పిహెచ్ స్థాయిని బ్యాలెన్స్ చేయడంలో కలబంద ముందుంటుంది.
కాఫీ పొడి..
కాఫీ పౌడర్ జుట్టు సంరక్షణలో, చర్మ సంరక్షణలో ముందుంటుంది. జుట్టు పెరుగుదలకి కాఫీ పౌడర్ చాలా మంచిది. కాఫీ పౌడర్ మూలాల నుండి జుట్టుని బలోపేతం చేయడానికి హెల్ప్ చేస్తుంది. కాఫీ పౌడర్ పొడి జుట్టుతో పాటు డ్యామేజ్ అయిన జుట్టుని స్ట్రెయిట్ చేస్తుంది. జుట్టుని మృదువుగా చేయడానికి కాఫీ పౌడర్ కూడా మంచిది. జుట్టు నెరసిపోయే సమస్యని కాఫీ పౌడర్ దూరం చేస్తుంది.
హెయిర్ ట్రీట్మెంట్ కోసం..
బీట్రూట్లో నానబెట్టిన మెంతులు రెండు స్పూన్లు వేసి మిక్సీ పెట్టాలి. ఇందులో కొద్దిగా నీరు పోసి కాఫీ పౌడర్ వేసి మరిగించాలి. 5 నిమిషాలు ఉడికిన తర్వాత వడకట్టి ఓ కప్పు హెన్నా పౌడర్ వేయాలి. ఇందులో అలోవెరా జెల్ వేసి బాగా కలపాలి. దీనిని రాత్రంతా అలానే ఉంచి నెక్ట్స్ డే జుట్టుకి అప్లై చేయాలి. ఓ గంట, రెండు గంటల తర్వాత జుట్టుని క్లీన్ చేసుకోవాలి.
గమనిక: నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం.
.jpeg)
మీ విలువైన అభిప్రాయాలను తెలియపరచండి..